Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի մոտ կայացավ հերթական գործակարգավարական խորհրդակցությունը
31.10.2016
Այսօր ՀՀ Վայոց ձորի մարզպետ Հարություն Սարգսյանի մոտ մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և աշխատակազմի ստորաբաժանումների պետերի մասնակցությամբ կայացավ հերթական գործակարգավարական խորհրդակցությունը:
Մինչ խորհրդակցությունն սկսելը մարզպետը խոսեց մարզի զարգացման ռազմավարական ծրագրի կազման մասին և համապատասխան հանձնարարականներ տվեց ստորաբաժանումների ղեկավարներին, իրենց կողմից համակարգվող ոլորտի վերաբերյալ նախորդ 3 տարիների ընթացքում մարզում(համայնքներում) կատարած աշխատանքների և իրականացված ծրագերի վերաբերյալ վերլուծություն կատարելու, ինչպես նաև առաջիկա տարիներին սպասվելիք ծրագրերի կազման նպատակով ոլորտային հիմնախնդիրների վերհանման վերաբերյալ:
Մարզպետարանի ստորաբաժանումների ղեկավարները հանդես եկան նախորդ խորհրդակցության ընթացքում արձանագրված հանձնարարականների կատարման ընթացքի, անցած շաբաթվա ընթացքում կատարած աշխատանքների և ընթացիկ շաբաթում իրականացվելիք ծրագրերի մասին հաղորդումով:
Խորհրդակցությանը քննարկվեցին մարզում իրականացվող շինվերանորոգման աշխատանքներին, աշնանացանի ընթացքին, անասնաբուժական ծառայություններին, մարզում արտադրված խաղողի մթերումներին, առողջապահության, կրթության, հողօգտագործման և հողաշինության ոլորտների խնդիրներին, մարզի համայնքների սեփական եկամուտների հավաքագրմանը վերբերող հարցեր:
Մարզպետ Հ. Սարգսյանը հանձնարարեց մարզպետարանի աշխատակազմի զարգացման ծրագրերի և վերլուծության բաժնի պետին՝ մարզի զարգացման ծրագրի կազման նպատակով աշխատել ոլորտային խմբերի ղեկավարների հետ՝ մանրամասն քննարկելով ոլորտային հիմնախնդիրները և դրանց լուծման նախանշվելիք ուղիները:
Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտներում խնդիրների լուծմանը:
