Վայոց ձորի մարզպետի աշխատակազմ

  Այսօր ՀՀ Վայոց ձորի մարզպետ Հարություն Սարգսյանի մոտ կայացավ հերթական գործակարգավարական խորհրդակցությունը, որին մասնակցում էին մարզպետի տեղակալները, մարզպետի խորհրդականը և մարզպետարանի աշխատակազմի ղեկավարը և աշխատակազմի ստորաբաժանումների պետերը: Ստորաբաժանումների ղեկավարները ներկայացրեցին նախորդ խորհրդակցության ընթացքում արձանագրված հանձնարարականների կատարման ընթացքը, անցած շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը:
Մարզպետարանի աշխատակազմի քաղաքաշինության վարչության պետ Ազատ Հովսեփյանը ներկայացրեց մարզում իրականացվող շինարարական աշխատանքների ավարտման ժամկետները: Գյուղատնտեսության և բնապահպանության վարչության պետ Մարատ Ներսիսյանը ներկայացրեց բերքհավաքի ընթացքը և աշնանացանի աշխատանքները: Մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը նշեց, որ տարվում են Ուսուցչի տոնին նվիրված միջոցառման, ինչպես նաև վայոցձորյան ավանդական Բերքի տոնի կազմակերպման նախապատրաստական աշխատանքները: Վարչության պետը նշեց նաև <<Իտալիայի օրերը Հայաստանում>> հանրապետական ծրագրի շրջանակում երեկոյան մարզային մշակույթի կենտրոնում կազմակերվելիք համերգի մասին:
Մարզպետը հանձնարարեց վարչության պետին:
Խորհրդակցությանը քննարկվեցին առողջապահությանը, ճանապարների ընթացիկ վերանորոգումներին, զբոսաշրջությանը և արտաքին հարաբերություններին վերբերող հարցեր:
Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին հանձնարարեց ուշադրության կենտրոնում պահել աշխատանքային կարգապահության հարցերը և տվեց համապատասխան հանձնարարականներ՝ ուղղված տնտեսության ոլորտային խնդիրների լուծմանը: