Վայոց ձորի մարզպետի աշխատակազմ

 Հուլիսի 27-ին Եղեգնաձորում ՀՀ սփյուռքի նախարարության նախաձեռնությամբ և Վայոց ձորի մարզպետարանի աջակցությամբ ելույթ ունեցան Հայաստանի Հանրապետության անկախության 25-ամյակին նվիրված <<Իմ Հայաստան>> փառատոնի <<Պարարվեստի օրերի>> մասնակից 6 պարախմբերը:

Փառատոնի մասնակիցներին ողջունեցին Վայոց ձորի մարզպետի տեղակալ Մելս Հարությունյանը, մարզպետարանի տեղեկատվության և հասարակայնության հետ կապերի բաժնի պետ Սոնա Մարգարյանը, ՀՀ սփյուռքի նախարարության ԱՊՀ հայ համայնքների վարչության Միջին և Հարավ-Ասիական երկրների հայ համայնքների հետ կապերի բաժնի պետ Անահիտ Զոհրաբյանը:

Իրենց կատարումներով ներկաներին ոգևորեցին Սանկտ Պետերբուրգի «Նաիրի», Դոնի Ռոստովի <<Զվարթնոց>>, Թեհրանի <<Զարթոնք>>, Սոչիի <<Լոո>>, Մայկոպի <<Նաիրի>> և <<Վարդանանք>>, Աթենքի <<Ավետիս>>, պարախմբերը:

Փառատոնի կազմակերպիչները և մասնակիցները շնորհակալություն հայտնեցին ջերմ ընդունելության համար:

Աղբյուրը՝ http://www.mindiaspora.am