Վայոց ձորի մարզպետի աշխատակազմ

ՀՀ Վայոց ձորի մարզպետ Հարություն Սարգսյանի մոտ քննարկվեց ՀՀ քաղաքաշինական պետական տեսչության կողմից Վայոց ձորի մարզպետարանում քաքաքաշինական գործունեության տեսչական ստուգումների արդյունքները: Քննարկմանը մասնակցում էին քաղաքային և գյուղական համայնքների ղեկավարներ և ներկայացուցիչներ: Տեսչության հանձնախմբի կողմից ստուգվել են նշված համայնքների աշխատակազմերում քաղաքաշինական գործի վարման մատյանները և արձանագրվել թերությունները: Քննարկման ժամանակ խոսվել է վեր հանված թերությունների մասին և նշվել թերությունները վերացնելու ուղիներն ու ժամկետները:

Ստուգումները կատարվել են համաձայն՝  ՀՀ կառավարության 1998 թվականի հոկտեմբերի 12-ի <<Հայաստանի Հանրապետությունում քաղաքաշինական գործունեության պետական վերահսկողություն իրականացնելու կարգը սահմանելու մասին>> N 624 որոշման, ՀՀ քաղաքաշինության նախարարի 2016 թվականի ապրիլի 5-ի <<Հայաստանի Հանրապետության մարզպետարաններում տեսչական ստուգումներ անցկացնելու մասին>> N 62-Ա հրամանով հաստատված ժամանակացույցի և Հայաստանի Հանրապետությունում քաղաքաշինական պետական գլխավոր տեսուչի 2016 թվականի մայիսի 30-ի N 02 տեսչական ստուգման հանձնարարագրի: