Վայոց ձորի մարզպետի աշխատակազմ

 Այսօր ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետարանի աշխատակազմի ղեկավարը և ստորաբաժանումների պետերը:
Մարզպետարանի աշխատակազմի ստորաբաժանումների ղեկավարները հանդես եկան նախորդ շաբաթվա ընթացքում կատարած և ընթացիկ շաբաթում իրականացվելիք աշխատանքների և ծրագրերի մասին հաշվետվությամբ:
Քաղաքաշինության վարչության պետ Ազատ Հովսեփյանը նշեց, որ ՀՀ քաղաքաշինության նախարարության քաղաքաշինական պետական տեսչության ներկայացուցիչները մարզպետարանի քաղաքաշության վարչությունում կատարել են քաղաքաշինական գործունեության 1 տարվա (2015թ. մասիս-2016թ. մայիս) ընթացքում իրականացրած աշխատանքների ուսումնասիրություն, ինչպես նաև ներկայացրեց մարզում ընթացող շին-վերանորոգման աշխատանքների կատարման ընթացքը: Առողջապահության և սոցիալական ապահովության վարչության պետի տեղակալ Սամվել Շահբազյանը հաղորդեց, որ Վայքի բուժմիավորում այսուհետ գործելու է հեմոդիալիզային ծառայության բաժանմունք, որի առիթով մարզպետ Հ. Սարգսյանը հանձնարարեց՝ հսկողություն իրականացնել, որպեսզի հիվանդների սպասարկման հարցում ցուցաբերվի ամենայն զգուշություն, որպես մարզում իրականացվող նոր տեսակի բուժսպասարկում:
Մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը նշեց, որ դպրոցներում ավարտվել են փոխադրական քննությունները, իսկ միասնական քնություններն ընթանում են սահմանված նորմերով:
Իրավաբանական բաժնի պետ Նարինե Մաղաքյանը նշեց, որ խմբագրման նպատակով ետ են վերադարձվել մի քանի համայնքների ավագանիների որոշումները, որոնք չեն համապատասխանել ՀՀ օրենսդրությամբ սահմանված կարգին:
Մարզպետը հանձնարարեց կրթության, մշակույթի և սպորտի վարչության պետին՝ պատշաճորեն կազմակերպել մարզի դպրոցական երեխաներին ամառային հանգստի ճամբարներ ուղարկելու հարցը:
Խորհրդակցության ավարտին մարզպետի կողմից մարզպետարանի աշխատակազմի ստորաբաժանումների ղեկավարները հանձնարարություններ ստացան, իրենց ղեկավարած ոլորտներում աշխատանքների իրականացման և առաջացած խնդիրների լուծման ուղղությամբ: