Վայոց ձորի մարզպետի աշխատակազմ

 Վայոց ձորի մարզի համայնքներում, ուսումնական ու մշակութային օջախներում կազմակերպվել ու շարունակվում են կազմակերպվել տարաբնույթ միջոցառումներ, նվիրված հայ ժողովրդի համար բախտորոշ նշանակություն ունեցող մայիսյան հաղթանակներին, որոնցից անմասն չի մնացել նաև Եղեգնաձորի թիվ 2 հիմնական դպրոցը:
Դպրոցում կազմակերպվել են <<Հաղթում ենք երգելով>>, <<Հաղթում ենք պարելով>>, <<Հաղթում ենք նվագելով>> խորագրերով միջոցառումներ, որոնց մասնակցել են դպրոցի 4-րդ և 5-րդ դասարանի երեխաները: Նշված միջոցառումները տարվերջյան յուրահատուկ ստուգատեսեր են դպրոցում դասավանդվող <<Ազգային երգ ու պար>> առարկայի արդյունքների, ինչպես նաև հաշվետվություն՝ արվեստի օջախներում երաժշտական գործիքների դասարաններում սովորող թիվ 2 հիմնական դպրոցի սաների կողմից:
Կազմակերպվել է նաև լեզուների իմացության ստուգատես, հավատարմությամբ՝ ֆրանկոֆոն երկրների համամարդկային արժեքներին: