Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գործակարգավարական հերթական խորհրդակցությունը ՀՀ Վայոց ձորի մարզպետի մոտ
16.05.2016
Ս/թ մայիսի 16-ին ՀՀ Վայոց ձորի մարզպետ Հարություն Սարգսյանն անցկացրեց գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը:
Մարզպետարանի աշխատակազմի ստորաբաժանումների ղեկավարները ներկայացրին նախորդ շաբաթվա ընթացքում կատարած և ընթացիկ շաբաթում կատարվելիք աշխատանքները և ծրագրերը:
Կրթության, մշակույթի և սպորտի վարչության պետ Արփիար Ղազարյանը նշեց, որ շարունակվում են մարզում միասնական քննությունների անցկացման ուղղությամբ իրականացվող նախապատրաստական աշխատանքները: Վարչության պետը նշեց նաև, որ նախատեսվում է մարզի հանրակրթական հաստատությունների տնօրենների խորհրդակցություն, որի ժամանակ կքննարկվեն վերջին զանգի և վերջին դասի կազմակերպմանն առնչվող հարցեր:
Մարզպետը հանձնարարեց զարգացման ծրագրերի և վերլուծության բաժնի պետ Արամ Կոստանյանին՝ ներկայացնել մարզի ՓՄՁ ոլորտում 2016 թվականին դրամաշնորհ ստացած ձեռնարկությունների ցանկը, որպեսզի համայնքներ այցելությունների ընթացքում այցելություն կատարեն նաև այդ ձեռնարկություններ և ծանոթանան դրամաշնորհի գումարով իրականացվող աշխատանքների ընթացին և սպասվելիք արդյունքներին: Իսկ կրթության, մշակույթի և սպորտի վարչության պետին հանձնարարեց կազմակերպել շախմատի մարզային մրցաշար, նվիրված ՀՀ անկախության 25-րդ տարեդարձին: Հողաշինության և հողoգտագործման բաժին-մարզային հողային պետական տեսչությանը հանձնարարվեց զբաղվել հողային հաշվեկշռի ճշգրտման հետ կապված խնդիրներով:
Մարզպետարանի աշխատակազմի ստորաբաժանումների ղեկավարները խորհրդակցության ավարտին մարզպետ Հ. Սարգսյանի կողմից հանձնարարություններ ստացան, իրենց ղեկավարած ոլորտներում աշխատանքների իրականացման և առաջացած խնդիրների լուծման ուղղությամբ:
