Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շարունակվում են մարզի համայնքներ ՀՀ Վայոց ձորի մարզպետի այցերը
04.05.2016
Այսօր ՀՀ Վայոց ձորի մարզպետ Հարություն Սարգսյանը մարզպետի տեղակալ Սամվել Թարվերդյանի, մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանի ուղեկցությամբ այցելել է Գետափ և Արփի համայնքներ, հանդիպել համայքների ղեկավարներ Գագիկ Ալոյանին (Գետափ) և Գրիգոր Գրիգորյանին (Արփի): Համայնքապետարաններում կազմակերպվել են մարզպետ Հարություն Սարգսյանի հանդիպումը համայնքապետարանի աշխատակիցների, ավագանու անդամների և բնակիչների հետ: Հանդիպումներում մարզպետ Հ. Սարգսյանը ներկայացրել է 2016 թվականին մարզում կատարած աշխատանքները: Արփի համայնքում մարզպետը խոսել է տեղեկան տուրքերի հավաքագրման ցածր ցուցանիշերի մասին և հորդորել համայնքի ղեկավարին և նրա աշխատակազմին ՝ լրջորեն զբաղվել հարկերի հավաքագրման աշխատանքներով: Իսկ հանդիպման մասնակիցներն էլ իրենց հերթին մարզպետի առջև բարձրացրել են գյուղի մանկապարտեզի ևս մեկ խմբասենյակի վերանորոգման հարցը և առանձնատների գազաֆիկացման հետ կապված խնդիրները:
Գետափում բնակիչներին հուզող հարցերը վերաբերել են մատակարարվող խմելու ջրի որակին, դպրոցի հիմնանորոգմանը և ներհամայնքային ճանապարհների բարեկարգմանը: Գետափում նույնպես խոսվել է առանձնատների գազաֆիկացման հետ կապված խնդիրների մասին:
Գետափ և Արփի համայնքներում ևս մարզպետը հետաքրքրվել է գարնան գյուղատնտեսական աշխատանքների ընթացքով:
