Վայոց ձորի մարզպետի աշխատակազմ

 ՀՀ Վայոց ձորի մարզպետ Հարություն Սարգսյանը շնորհակալագիր հանձնեց Հայրենական Մեծ պատերազմի վետերան Սարգիս Տիգրանի Հարությունյանին, ծննդյան 90 ամյակի և հասարակական-քաղաքական ակտիվ գործունեության կապակցությամբ:
Մարզպետը Հայրենական Մեծ պատերազմի վետերանին մաղթեց ամուր առողջություն, առավել ակտիվ գործունեություն և երկար կյանք, ասելով, որ ուրախ կլիներ վետերանին այսպես առողջ տեսնել 10 տարի հետո և ավելի մեծ շուքով նշել նրա 100 ամյակը:
Նշենք, որ Սարգիս Հարությունյանը ծնվել է 1926 թվականի հուվարի 22-ին ՀԽՍՀ Եղեգնաձորի շրջանի Ելփին գյուղում: Միջնակարգ դպրոցն ավարտելուց հետո, 1944 թվականին մեկնել է ռազմաճակատ և ծառայել 89-րդ Թամանյան դիվիզիայում: Լեհաստանի տարածքում մարտի ժամանակ վիրավորվել է և բուժում անցնելուց հետո կրկին վերադարձել ծառայության: Բանակից զորացրվել է 1951 թվականին: Նա երկար տարիներ Եղեգնաձորի Հայկոոպում աշխատել է որպես տնտեսագետ-հաշվապահ, ապա վերահսկիչ:
1994 թվականից զբաղվել է հասարակական գործունեությամբ: Այժմ զբաղեցնում է Հայրենական Մեծ պատերազմի մասնակից ՀՀ հաշմանդամների ասոցացիայի Եղեգնաձորի մասնաճյուղի  ղեկավարի պաշտոնը:
Մեծ Հայրենականի հոբելյանական տոնակատարությունների շրջանակում Սարգիս Հարությունյանը ՌԴ իշխանութնունների հրավերով տարբեր ժամանակներում եղել է մայրաքաղաք Մոսկվայում և ՌԴ այլ քաղաքներում:
2015 թվականին ՀՀ Վարչապետ Հովիկ Աբրահամյանի կողմից պարգևատրվել է Մեծ Հայրենականի 70 ամյակի հոբելյանական մեդալով: