Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանն այցելել է Խաչիկ գյուղ տանող ճանապարհի եզրի ժայռի պայթեցման վայր
21.01.2016
Հունվարի 20-ին ՀՀ Վայոց ձորի մարզպետ Հարություն Սարգսյանը ՀՀ տարածքային կառավարման և արտակարգ իրավիճակների նախարարության փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրիելյանի և ՀՀ տարածքային կառավարման և արտակարգ իրավիճակների նախարարության փրկարար ծառայության փրկարար ուժերի վարչության պետ, փ/ծ փոխգնդապետ Արսեն Արշակյանի հետ, ուղեկցությամբ՝ ՎՁՄՓՎ պետ Տիգրան Պետրոսյանի, այցելել են ՀՀ Վայոց ձորի մարզի Արենի-Խաչիկ ավտոճանապարհի 8-9-րդ կիլոմետրի հատվածում նախօրեին կատարված ժայռի պայթեցման վայր և տեղում ծանոթացել տիրող իրավիճակին:
Նշենք, որ պայթեցումից հետո իրականացվում են ճանապարհահատվածի մաքրման աշխատանքներ, ինչի հետևանքով նշված ավտոճանապարհը երթևեկելի է միակողմանի: Պայթեցման աշխատանքների իրականացման պատճառով առ ժամանակ Խաչիկ համայնքը հոսանքազրկվել էր, որը նույն օրը երեկոյան վերականգնվել է:
