Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղեգնաձորի քաղաքապետը հանդես եկավ 2014 թվականի գործունեության վերաբերյալ հաշվետվությամբ
13.03.2015
Մարտի 11-ին Եղեգնաձորի քաղաքապետարանում տեղի ունեցավ համայնքի ղեկավար Դավիթ Հարությունյանի հանրային հաշվետվությունը:
Նիստին հրավիրվել էին ՀՀ Վայոց ձորի մարզպետ Հարություն Սարգսյանը մարզպետարանի աշխատակազմի ֆիանսական և սոցիալ-տնտեսական զարգացման, ՏԻ և ՀԳՄ գծով վարչությունների պետերը, մասնակցում էին համայնքի ղեկավարի աշխատակազմը, համայնքի ավագանու անդամները, համայնքային ոչ առևտրային կազմակերպությունների ներկայացուցիչներ, հասարակական կազմակերպությունների անդամներ, համայնքի ակտիվ բնակիչներ:
Ներկայացվեց 2014 թվականի ընթացքում կատարած աշխատանքները, խոսվեց առաջիկա անելիքների մասին: Ներկաներն իրենց հուզող հարցերն ուղղեցին քաղաքապետին և ֆինանսական հավետվությամբ հանդես եկող քաղաքապետարանի աշխատակազմի ֆինանսիստ Աշոտ Հարությունյանին:
Մարզպետը խոսեց համայնքներում իրականացվող պետության կողմից պատվիրակված, ինչպես նաև պարտադիր և կամավոր լիազորությունների շրջանակում իրականացվող գործունեության մասին, հետաքրքրվեց դոնոր կազմակերպությունների հետ քաղաքապետարանի աշխատակազմի կողմից կատարած աշխատանքների մասին, առաջարկեց նման կազմակերպությունների հետ կապեր հաստատել և փորձել ծրագրեր ներկայացնել համայնքային խնդիրների լուծման նպատակով: Մարզպետը պատասխանեց իրեն ուղղված հարցերին: Ավագանին քաղաքապետի մեկ տարվա գործունեությունը գնահատեց բավարար: Քաղաքապետի գործունեությունը սեփական եկամուտների հավաքագրման գործում բավարար գնահատեց նաև մարզպետ Հարություն Սարգսյանը:
