Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանի ամանորյա շնորհավորական ուղերձը
26.12.2014
Սիրելի վայոցձորցիներ:
Անկեղծ սիրով ու խորին հարգանքով շնորհավորում եմ ձեզ Ամանորի և Սուրբ Ծննդյան տոների կապակցությամբ: Մաղթում եմ ձեզ ուրախ Ամանոր, բարեկեցություն, առողջ ու երջանիկ օրեր:
Յուրաքանչյուր գալիք տարի իր հետ բերում է նոր երազանքների, անավարտ ծրագրերի իրականացման ցանկալի հույսեր և իր տոնական լույսերով շղարշում նախորդ տարվա դժվարությունները: Ցանկանում եմ, որ 2014 թվականի ընթացքում եղած դժվարություններն ու անհաջողությունները մնան անցյալում և մենք 2015 թվականը թևակոխենք առողջ և ուրախ տրամադրությամբ, ստեղծելու և արարելու հաստատակամությամբ: Թող 2015 թվականը մեր մարզին բերի հաջողություններ` տնտեսության կենսագործունեության բոլոր ոլորտներում:
Թող գալիք Նոր տարին լինի ձեր ձեռնարկումների հաջողության, իղձերի իրականացման տարի և դառնա նոր նվաճումների ու ձեռքբերումների հիմնաքարը: Ձեր ընտանեկան հարկերի տակ թող մշտապես խաղաղություն տիրի և թևածի երջանկությունը:
Սիրելիներս, մաղթում եմ, որ 2015 թվականը մեր երկիր ու մեր մարզ մուտք գործի խաղաղությամբ, լինի բարիքներով լի տարի և արձանագրվի բազում հաջողություններով:
Կրկին շնորհավորում եմ ձեր տոնը:
Ձեր ընտանիքներին` անսպառ սեր, մշտավառ հույս ու անսասան հավատ:
Սիրելի հայրենակիցներ, ապրեցեք խաղաղությամբ ու Աստծո օրհնությամբ:
