Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՊՆ 3-րդ բանակային կորպուսի հրամանատարի նախաձեռնությամբ և ՀՀ Վայոց ձորի մարզպետի աջակցությամբ տեղի ունեցավ հանդիպում վայոցձորցի ժամկետային զինծառայողների ծնողների հետ
21.11.2014
2014 թվականի նոյեմբերի 21-ին ՀՀ Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Հարություն Սարգսյանի, մասնակցությամբ տեղի ունեցավ ՀՀ ՊՆ 3-րդ բանակային կորպուսի հրամանատարի ԱՀՏԱԳ տեղակալ, գնդապետ Էդուարդ Հովհաննիսյանի հանդիպումը կորպուսում լավագույն ծառայությամբ աչքի ընկնած զինվորների ծնողների հետ: Միջոցառում կազմակերպվել էր <<Բանակը մեր տունն է, մեր ամրոցը>> խորագիրը կրող բանակ-ընտանիք-հասարակություն կապի խորացման ու ամրապնդման նպատակով իրականացվող ծրագրի շրջանակում:
Ներկաներին ողջունեց ՀՀ Վայոց ձորի մարզպետ Հարություն Սարգսյանը: Մարզպետն իր խոսքում բարեմաղթանքներ հղեց հայոց բանակին ու զինվորներին, մաղթեց խաղաղ ծառայություն, իսկ կազմակերպիչներին շնորհակալություն հայտնեց:
Բոլոր ժամկետային զինծառայողներին տրվել է կարճաժամկետ արձակուրդ: Շնորհակալության խոսք ասացին զինվորի ծնողներ Կորյուն Ազատյանը և Արմենակ Գրիգորյանը: Շնորհակալության խոսք ասաց նաև զինծառայող Նաիրի Սարոյանը:
