Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Չեխիայի Հանրապետության Կարլովի Վարի երկրամասի պատվիրակությունը՝ Հայաստանում
12.09.2014
2014 թվականի սեպտեմբերի 10-11-ը հայ-չեխական միջկառավարական հանձնաժողովի աշխատանքերին մասնակցելու նպատակով Հայաստան էր ժամանել Չեխիայի Հանրապետության Կարլովարյան երկրամասի պատվիրակությունը` նահանգապետ Յոզեֆ Նավոտնու գլխավորությամբ: Չեխական պատվիրակությանը Երևանում հյուրընկալել է նաև ՀՀ Վայոց ձորի մարզպետ Էդգար Ղազարյանը: Նշենք, որ ՀՀ Վայոց ձորի մարզը միջազգային համագործակցության շրջանակներում ջերմ գործընկերային հարաբերություններ ունի ՉՀ Կարլովի Վարի երկրամասի հետ: Համագործակցության հուշագիր է ստորագրվել ինչպես երկու մարզերի, այնպես էլ Ջերմուկի և Կարլովի Վարի քաղաքների միջև:
Սեպտեմբերի 10-ին պատվիրակության անդամները հանդիպեցին ՀՀ Վայոց ձորի մարզպետ Է.Ղազարյանի հետ: Մարզպետ Ղազարյանը և նահանգապետ Նավոտնին քննարկեցին երկու տարածաշրջանների միջև հետագա համագործակցության խնդիրները:
Նույն օրը պատվիրակության անդամները մասնակցեցին հայ-չեխական միջկառավարական հանձնաժողովի աշխատանքային խմբի նիստին: Կարլովարյան երկրամասի նահանգապետ Յոզեֆ Նավոտնին Չեխիայի տարածաշրջանների ասոցիացիայի անունից հանդես եկավ հայ-չեխական միջտարածաշրջանային գործընկերությունը ընդլայնելու, և չեխական այլ նահանգների և Հայաստանի մարզերի միջև գործընկերային հարաբերություններ հաստատելու առաջարկով: Առաջարկը հավանության արժանացավ հանձնաժողովի կողմից և ընդգրկվեց ամփոփիչ արձանագրության մեջ:
Երեկոյան ՀՀ Վայոց ձորի մարզպետի անունից հյուրերի պատվին տրվեց հյուրասիրություն` հայկական ազգային ճաշատեսակների համտեսումով:
