Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը մասնակցել է Եղեգնաձորի մարզային մշակույթի կենտրոնի նորաստեղծ ռոք խմբի անդրանիկ համերգին
30.07.2014
2014 թվականի հուլիսի 29-ին ՀՀ Վայոց ձորի մարզպետի մասնակցությամբ Եղեգնաձորի մարզային մշակույթի կենտրոնի համերգային մեծ դահլիճում կայացավ մշակույթի կենտրոնի նորաստեղծ <<Meet Me In The Skay>> ռոք խմբի անդրանիկ համերգը: Համերգն անցավ հանդիսատեսի ջերմ ծափողջույնների ներքո:
Խմբի նախաձեռնողն ու ղեկավարն է մշակույթի կենտրոնում նախկինում գործող <<Էվրիկա>> ռոք խմբի մասնակից, մշակույթի կենտրոնի երկարամյա և անդավաճան աշխատակից Սմբատ Առաքելյանը:
Համերգի ավարտին մշակույթի կենտրոնի տնօրեն Մարո Սիմոնյանը շնորհակալություն հայտնեց նորաստեղծ <<Meet Me In The Skay>> ռոք խմբի անդամներին և բեմ հարվիրեց <<Էվրիկա>> վոկալ-գործիքային ամսամբի ղեկավար, երգահան, հեղինակային երգի փառատոնների բազմակի մրցանակակիր Արմեն Ադամյանին, որը շնորհակալություն հայտնեց նորաստեղծ խմբին եղեգնաձորյան ռոքի բարի ավանդույթները շարունակելու համար և իր հեղինակային երգով ողջունեց խմբին առաջին համերգային ելույթի կապակցությամբ:
Խմբին շնորհավորեց և Էրիկ Քլեպթոնի երգացանկից գեղեցիկ մեկ կատարումով համերգը եզրափակեց ՀՀ Վայոց ձորի մարզպետ Էդգար Ղազարյանը:
