Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ջերմուկում կառուցվում է ջրամատակարարման և ջրահեռացման նոր համակարգ
18.07.2014
2014 թվականի հուլիսի 16-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի քաղաքաշինության վարչության պետ Ազատ Հովսեփյանի ուղեկցությամբ այցելել է Ջերմուկ համայնք, որտեղ կառուցվում է ջրամատակարարման և ջրահեռացման նոր համակարգ, ինչպես նաև կեղտաջրերի մաքարման նոր, ժամանակակից կայան: Է.Ղազարյանը ծանոթացել է շինարարական աշխատանքների ընթացքին և որոշ շահառու կազմակերպությունների ղեկավարների հետ քննարկել շինարարության ընթացքում առաջացած կազմակերպական խնդիրները: Նորակառույց համակարգը հնարավորություն կտա առավել արդյունավետ ձևով կազմակերպել ջրամատակարարումն ու ջրահեռացումը Ջերմուկ համայնքում, իսկ կեղտաջրերի մաքրման կայանի շնորհիվ առավելապես լուծվում է Արփա-Սևան թունելով Սևանա լիճ տեղափոխվող ջրի մաքրության խնդիրը, որն ունի չափազանց կարևոր բնապահպանական նշանակություն Սևանա լճի համար:
