Վայոց ձորի մարզպետի աշխատակազմ

ՀՀ Վայոց ձորի մարզպետ Էդգար Ղազարյանի նախաձեռնությամբ 2014 թվականի փետրվարի 10-ից մարտի 5-ը Վայոց ձորի մարզի դպրոցներում կազմակերպվեց ՀՀ Ազգային Հերոս և Արցախի Հերոս Վազգեն Սարգսյանի ծննդյան 55 ամյակին նվիրված հրաձգության հուշամրցաշար: Հուշամրցաշարը կայացավ 3 փուլով՝ ներդպրոցական, տարածաշրջանային և մարզային (եզրափակիչ), որին մասնակցեց շուրջ 645 դպրոցական:
Միջոցառման եզրափակիչ փուլին ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալները, մարզպետարանի աշխատակամի ստորաբաժանումների ղեկավարներ, 4-րդ բանակային կորպուսի հրամանատի անձնակազմի հետ տարվող աշխատանքների գծով տեղակալ, գնդապետ Սարգիս Թորիկյանը, ռազմական ոստիկանության պետ, գնդապետ Վարդան Խաչատրյանը, Եղեգնաձորի և Վայքի զինվորական կոմիսարները, դպրոցների տնօրեններ, զինղեկեր:
Հուշամրցաշարին մասնակցել են.
1-ին՝ ներդպրոցական փուլին՝ 43 դպրոց 450 մասնակցով, որից 112 աղջիկ,
2-րդ՝ տարածաշրջանային փուլին ՝ 43 դպրոց 172 մասնակցով, որից 43 աղջիկ (յուրաքանչյուր դպրոցից՝ 3տղա, 1 աղջիկ),
3-րդ՝ մարզային փուլին՝ 3 տարածաշրջան 24 մասնակցով, որից 9 աղջիկ (յուրաքանչյուր տարածաշրջանից՝ 5տղա, 3 աղջիկ):
Հաղթող ճանաչվեցին՝ (տղաների մրցապայքարում)
1-ին տեղ՝ Անդրեյ Առուստամյան-Կարմրաշենի միջնակարգ դպրոց,
2-րդ տեղ՝ Վահե Օհանյան-Խնձորուտի միջնակարգ դպրոց,
3-րդ տեղ՝ Մարտին Մովսիսյան-Մալիշկայի Լոմոնոսովի անվան միջնակարգ դպրոց,
(աղջիկների մրցապայքարում)
1-ին տեղ՝ Լիլիթ Գասպարյան-Վերնաշենի միջնակարգ դպրոց,
2-րդ տեղ՝ Անի Հովհաննիսյան-Խնձորուտի միջնակարգ դպրոց,
3-րդ տեղ՝ Վարդուհի Խանամիրյան- Ջերմուկի թիվ 3 միջնակարգ դպրոց (Կեչուտ):
Մրցանակային տեղեր գրաված դպրոցականները մարզպետի կողմից պարգևատրվեցին նվերներով, իսկ առաջին տեղեր գրավածների զինղեկներն արժանացան մարզպետի պատվոգրին: Մրցույթից հետո մասնակիցները ներկա գտնվեցին Հերոսի ծննդյան 55-ամյակին նվիրված ցերեկույթին, որը կազմակերպել էր Եղեգնաձորի ավագ դպրոցի տնօրինությունը: