Վայոց ձորի մարզպետի աշխատակազմ

 ՀՀ փոխվարչապետ, տարածքային կառավարման նախարար Արմեն Գեւորգյանի մոտ այսօր մարզպետների մասնակցությամբ կայացած խորհրդակցության ընթացքում քննարկվեցին մարզերում առաջնահերթ խնդիրների լուծման նպատակով հինգերորդ հրատապ ծրագրի նախապատրաստման հետ կապված հարցեր:

Փոխվարչապետը մարզպետներին առաջարկեց մեկ անգամ եւս տեղերում քննարկել առաջարկված ծրագրերը, որոնք ներկայացվել են համայնքների ղեկավարների, ինչպես նաեւ բնակչության կողմից` ՀՀ նախագահի, վարչապետի, փոխվարչապետի մարզային այցերի եւ հանդիպումների ժամանակ:

Որոշ ծրագրերի մասով առաջարկվեց լրացուցիչ քննարկումներ իրականացնել տեղերում եւ ներկայացնել վերջնական տարբերակը:

Հիշեցնենք, որ 2011-2013թթ. մարզերում առաջնահերթ խնդիրների լուծման նպատակով չորս հրատապ ծրագիր է իրականացվել: Նշված ծրագրերի համար ՀՀ կառավարության ֆոնդից մարզերին ընդհանուր առմամբ հատկացվել է 41,3 մլրդ դրամ:

 Խորհրդակցությանը մասնակցում էր նաև ՀՀ Վայոց ձորի մարզպետ Էդգար Ղազարյանը:

 Աղբյուրը՝ mta.gov.am