Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Միջոցառում՝ նվիրված Պարույր Սևակի ծննդյան 90-ամյակին
01.02.2014
Մարզային գրադարանի կողմից կազմակերպված <<Ոչ թե հետք, այլ` ներկայություն>> խորագրով գրական-գեղարվեստական ցերեկույթն սկսվեց Երևան-Էրեբունի երգի կատարումով: Միջոցառմանը ներկա էին ՀՀ Վայոց ձորի մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանը, ծնողներ, մանկավարժներ, աշակերտներ:
Մարզպետի տեղակալը հուշեր պատմեց Պ. Սևակի կյանքից: Այնուհետև գրադարանավար Կ. Ալեքսանյանը ներկայացրեց Պարույր Սևակի կյանքն ու գրական գործունեությունը: Սևակի ստեղծագործությունների կատարմամբ հանդես եկան Արփի համայնքի դպրոցի ասմունքողները: Միջոցառման ընթացքում ցուցադրվեց Պարույր Սևակին նվիրված տեսանյութ: Հնչեց նաև Սևակի կենդանի ձայնը` <<Վարք Մեծաց>> բանաստեղծությամբ:
Մանկական բաժնի վարիչ Ջ. Մարգարյանը ներկայացրեց Սևակին որպես մանկագիր, իսկ դպրոցական երեխաներն արտասանեցին գրողի մանկական բանաստեղծություններից: Ցերեկույթն ավարտվեց Կարեն Բաբաջանյանի հեղինակած <<Քիչ ենք, բայց հայ են>>՚ երգով, որին արձագանքեց ողջ հանդիսատեսը:
Միջոցառման ավարտին գրադարանի տնօրեն Ռ. Լևոնյանը շնորհակալություն հայտնեց կազմակերպիչներին և մասնակիցներին:
