Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խորհրդակցություն՝ նվիրված հայոց լեզու և մաթեմատիկա առարկների դասավանդման արդյունավետության բարձրացման խնդիրներին
24.01.2014
Ս/թ հունվարի 24-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ խորհրդակցություն, որի ընթացքում քննարկվեցին ՀՀ ԿԳՆ Կրթության պետական տեսչության, ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության կողմից 2013թվականին մարզի հանրակրթական դպրոցներում կատարած առարկայական ուսումնասիրությունների արդյունքները:
Մարզպետը նշեց, որ արդյունները խիստ մտահոգիչ են, որի պատճառով էլ խորհրդակցություն է հրավիրել՝ պարզելու արձանագրված ցածր արդյունքների պատճառները:
Քննարկումից հետո մարզպետ Էդգար Ղազարյանը հանձնարարություն տվեց դպրոցների ղեկավարներին՝ խստացնել ներդպրոցական հսկողությունը առարկայական դասավանդման ընթացքի վրա, իսկ ուսուցիչներին՝ ամենայն պատասխանատվություն դրսևորել մատաղ սերնդի մոտ առարկայական բարձր իմացության ապհովելու գործում: Էդգար Ղազարյանը մարզպետարանի աշխատակազմի կրթության, մշակույթի և սպորտի վարչությանը հանձնարարեց հաճախակի այցելել դպրոցներ, կատարել դասալսումներ և պարբերաբար քննարկել այցելությունների արդյունքները:
