Վայոց ձորի մարզպետի աշխատակազմ

Գյումրիի Տեղեկատվական Տեխնոլոգիաների Կենտրոնը (www.gitc.am) Հայ Կրթական Հիմնարկության (www.aefweb.org) օժանդակությամբ Վայոց ձորի մարզում իրականացնում է ինֆորմատիկա առարկան դասավանդող ուսուցիչների վերապատրաստման անվճար դասընթացներ՝ ոլորտում տեղի ունեցող փոփոխություններին, նորամուծություններին իրազեկելու, նրանց կրթական, մասնագիտական մակարդակը բարձրացնելու նպատակով:

Նշված դասապրոցեսի վերջում ուսուցիչները հանձնել են քննություն: Քննությունները հաջողությամբ հանձնած մասնակիցների վկայականների հանձնման արարողությունը Վայոց ձորի մարզում տեղի կունենա դեկտեմբերի 6-ին, ժամը 14:30-ին,  Եղեգնաձորի թիվ 2 հիմնական  դպրոցում (Հասցե՝ ք. Եղեգնաձոր, Նարեկացու 12):