Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Ջերմուկի տարածաշրջանի սոցիալական աշխատողների հետ
21.11.2013
Սոցիալական աշխատողի օրվա և Հայաստանի Հանրապետությունում սոցիալական ապահովության համակարգի կազմավորման 20-ամյակի միջոցառումների շրջանակներում 2013 թվակնի նոյեմբերի 20-ին ՀՀ Վայոց ձորի մարզպետ Էդգար Ղազարյանը, մարզպետի տեղակալ Մելսիկ Հարությունյանը, ՀՀ Վայոց ձորի մարզպետարանի աշխատակազմի առողջապահության և սոցիալական հարցերի վարչության պետ Խաչիկ Գևորգյանը, մարզպետարանի պատասխանատու աշխատակիցներ հանդիպեցին Ջերմուկի տարածաշրջանի սոցիալական աշխատողների հետ: Էդգար Ղազարյանը շնորհավորեց սոցիալական աշխատողներին մասնագիտական տոնի առիթով` կարևորելով նրանց աշխատանքի դերն ու նշանակությունը հանրային կառավարման համակարգում: Մարզպետն անդրադարձ կատարեց նաև սոցիալական ապահովության և սոցիալական ապահովագրության բնագավառում ՀՀ կառավարության կողմից իրականացվող ծրագրերին և բարեփոխումներին: Տարածաշրջանի երեք սոցիալական աշխատողների երկարամյա բարեխիղճ աշխատանքի և մասնագիտական տոնի առիթով պարգևատրվեցին ՀՀ Վայոց ձորի մարզպետի շնորհակալագրով: Հանդիպման ավարտին Ջերմուկի արվեստի դպրոցի սաների ուժերով ներկայացվեց փոքրիկ համերգային ծրագիր:
