Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համակարգչային կենտրոնի բացում Մարտիրոս համայնքում
14.11.2013
2013 թվականի նոյեմբերի 13-ին ՀՀ վայոց ձորի մարզպետ Էդգար Ղազարյանը մասնակցեց Մարտիրոս համայնքի համակարգչային կենտրոնի բացման արարողությանը: Համակարգչային կենտրոնը հիմնվել է Մարտիրոսի երիտասարդական կենտրոնի տարածքում, որը հիմնանորոգվել է ՀՀ պետական բյուջեի միջոցների հաշվին: Համակարգչային կենտրոնը բացվեց «Օրանժ Արմենիա» ընկերության «Օրանժ» հիմնադրամի ֆինանսական աջակցությամբ և իրականացվել «ՇԵՆ» բարեգործական հասարակական կազմակերպության կողմից: Այն կոչված է սպասարկելու ոչ միայն Մարտիրոս համայնքի, այլև հարևան համայնքների բնակչությանը: Կենտրոնը հնարավորություն կտա համայնքների երիտասարդներին մատչելի պայմաններով օգտվել համակարգչային տեխնիկայից և ինտերնետից: Կենտրոնի բացման արարողությանը մասնակցում էին «Օրանժ Արմենիա» ընկերության ներկայացուցիչներ` ընկերության գլխավոր տնօրեն Ֆրանցիս Գելիբտերի գլխավորությամբ: Համակարգչային կենտրոնի բացումից հետո Էդգար Ղազարյանը շրջեց Մարտիրոսի երիտասարդական կենտրոնի տարածքում, ծանոթացավ Բաց հասարակության հիմնադրամներ Հայաստանի կողմից ֆինանսավորված «Պատանեկան արվեստի ակուբներ» ծրագրի շրջանակներում երիտասարդ նկարիչների ցուցահանդեսին և շախմատի մրցույթին:
