Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը Ծաղկաձորում հանդիպել է ,,Բազե-2013,, համահայկական երիտասարդական հավաքի մարզային թիմի անդամներին
20.08.2013
ՀՀ Վայոց ձորի մարզպետ Էդգար Ղազարյանը օգոստոսի 16-ին այցելել է Ծաղկաձորում օգոստոսի 12-ին մեկնարկած ,,Բազե-2013,, համահայկական երիտասարդական հավաք և հանդիպել Վայոց ձորի մարզային թիմի անդամներին: Մարզպետը ծանոթացել է թիմի առօրյային, զրուցել է նրանց հետ, հետաքրքրվել հավաքում նրանց ստացած տպավորություններով, ձեռք բերած հաջողություններով և հաստատած բարեկամական կապերով:
Հանդիպման ժամանակ թիմի անդամները ներկայացրել են մրցույթների արդյունքները, խոսել են թիմի առօրյայի մասին և իրենց հետաքրքրող հարցերն ուղղել մարզպետ Էդգար Ղազարյանին:
Մարզպետը հանդիպման ավարտին բարեմաղթանքներ է հղել թիմի անդամներին և հաջողություններ է մաղթել թիմին՝ հավաքի հաջորդ օրերի ընթացքում անցկացվելիք մրցույթներում:
Նույն օրը մարզպետ Էդգար Ղազարյանը որպես ՀՊՏՀ դասախոս և կառավարման ֆակուլտետի նախկին դեկան հանդիպում է ունեցել նաև ՀՊՏՀ-ի թիմի հետ:
Մարզպետի կողմից որպես նվեր բազեականների համար վայոցձորցիների կողմից ցուցադրվել է ,,Կրակների շոու,, պարը:
