Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այցելություն հաշմանդամներին` Ամանորի կապակցությամբ
09.01.2013
Ամանորի և Սուրբ Ծննդյան տոների առիթով ՀՀ Վայոց ձորի մարզպետ Էդգար Ղազարյանը, Եղեգնաձորի Քահանա Տեր Վազգեն Հովհաննիսյանը, <Սոցիալ-հոգեբանական կենտրոն> հասարակական կազմակերպության փոխնախագահ Խնկանուշ Մարկոսյանը և կենտրոնի կամավոր Արմինե Համբարձումյանն այցելեցին կենտրոնի շահառուներ` Եղեգնաձորում Սոնիկ Մելքոնյանի և Աշխեն Մարգարյանի, իսկ Գետափ համայնքում Աշոտ Եղյանի բնակարաններ` շնորհավորելու և բարեմաղթելու նրանց: Հյուրերը ներկայացել էին ՀՀ Վայոց ձորի մարզպետարանի և կենտրոնի կողմից պատրաստված ամանորյա նվերներով:
Ամանորի հյուրասիրության սեղանի շուրջ շնորհավորելով կենտրոնի շահառուներին անցած տոների առիթով Է.Ղազարյանը հավաստիացրեց, որ 2013 թվականի ընթացքում սահամանափակ հնարավորություններ ունեցող մարդիկ շարունակելու են մնալ մարզային իշխանությունների ուշադրության կենտրոնում` հանրային կյանքում նրանց լիարժեք ներգրավվածությունն ապահովելու նպատակով:
<Սոցիալ-հոգեբանական կենտրոն> հասարակական կազմակերպությունն արդեն մի քանի տարի է իրականացնում է ծրագրեր սահամանափակ հնարավորություններ ունեցող մարդկանց հետ և նրանց համար: Այս տարի ամռանը կենտրոնը Եղեգիսի կիրճում, Սիրանույշ ճամբարում, ՀՀ Վայոց ձորի մարզպետի և Վայոց ձորի թեմի աջակցությամբ իրականացրեց ամառային ճամբար. սայլակավոր և հենաշարժողական խնդիրներ ունեցող հաշմանդամների համար:
