Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Ամբողջովին հիմնանորոգվել է Վայքի Երիտասարդական փողոցը
20.11.2012
2008 թվականին ՀՀ Նախագահ Սերժ Սարգսյանի նախընտրական խոստումներից է եղել Վայքի հիմնական փողոցներից մեկի` Երիտասարդական փողոցի հիմնանորոգումը: Նախագահի խոստումն այլևս իրականություն է, ինչի արդյունքում քաղաքի հիմնական փողոցներից մեկը բնակիչներին ներկայանում է հիմնովին վերանորոգված և բարեկարգ վիճակում:
ՀՀ տրանսպորտի և կապի նախարարության պատվերով, Վայքի ՃՇՇ ՓԲԸ-ի միջոցով վերանորոգվել է փողոցի 780մ հատվածը: Ընդհանուր առմամբ իրականացվել են 131 մլն 500 հազար դրամ ճանապարհաշինական աշխատանքներ: Արդյունքում հիմնանորոգվել է ոչ միայն փողոցը, այլև երկու կողմերի մայթերը: Հիմնանորոգման աշխատանքներն սկսվել են 2012 թվականի մայիսին և ավարտվել են նոյեմբերի 15-ին. նախատեսված ժամկետից մեկ ամիս շուտ :
Հարակից պուրակում է գտնվում 2-րդ համաշխարհային պատերազմի զոհվածների հիշատակի հուշարձանը և մեկ այլ հուշարձան՝ նվիրված Մեծ Եղեռնի զոհերի հիշատակին: ՀՀ Վայոց ձորի մարզպետարանը և Վայքի քաղաքապետարանը քննարկում են Երիտասարդական փողոցի գիշերային լուսավորության, իսկ պուրակում՝ նստարանների տեղադրման հարցերը, նպատակ ունենալով` այն դարձնել երեկոյան ժամերին երթևեկության համար փակ, Վայքի բնակիչների համար` հանգստի, ժամանցի և զբոսանքի գոտի :
