Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը Հայաստանում ԱՄՆ դեսպանատնից հետևել է ԱՄՆ նախագահի ընտրությունների ընթացքին
08.11.2012
ՀՀ Վայոց ձորի մարզպետ Էդգար Ղազարյանը, որպես Հայաստանում ԱՄՆ շրջանավարտների ասոցացիայի անդամ, նոյեմբերի 7-ին մասնակցել է ԱՄՆ դեսպան Հեֆերնի ու դեսպանատան աշխատակիցների հետ ԱՄՆ ընտրությունների առիթով դեսպանատանը կազմակերպված նախաճաշին, որին մասնակցել են ուսանողներ, քաղաքացիական հասարակության ներկայացուցիչներ, դասախոսներ, պետական պաշտոնյաներ և ԶԼՄ-ների ներկայացուցիչներ:
Ըստ ԱՄՆ դեսպանատան մամուլի ծառայության` մասնակիցները հետևել են ԱՄՆ ընտրությունների արդյունքների ամփոփման ուղիղ հեռարձակմանը և լուսանկարվել են նախագահության թեկնածուներ նախագահ Օբամայի ու նահանգապետ Ռոմնիի իրական չափերի պատկերների կողքին: Մասնակիցների համար պատրաստված են եղել նաև Հանրապետական կուսակցության, Դեմոկրատական կուսակցության, Ընտրական կոլեգիայի ու իշխանության ժողովրդավարական անցման մասին պատմող տեղեկատվական տաղավարներ: Դեսպանատան հյուրերը նաև մասնակցել են ընտրախաղի` քվեարկելով ԱՄՆ նախագահի իրենց նախընտրելի թեկնածուի օգտին:
