Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետարանում քննարկվեցին որակյալ խմելու ջրի մատակարարման հետ կապված խնդիրներ
06.08.2012
Օգոստոսի 3-ին Վայոց ձորի մարզպետ Էդգար Ղազարյանի մոտ կայացավ խորհրդակցություն, որին մասնակցում էին <Հայջրմուղկոյուղի> ՓԲԸ-ի գլխավոր տնօրեն Պատրիկ Լորենը, նույն ՓԲԸ-ի հարավային տարածքային մասնաճյուղի տնօրեն Ջիվան Մարգարյանը, մարզպետարանի աշխատակազմի և մարզային շահագրգիռ կառույցների, ինչպես նաև մարզի համայնքների ղեկավարներ:
ՓԲԸ գլխավոր տնօրեն Պատրիկ Լորենը շնորհավորեց Էդգար Ղազարյանին մարզպետի պաշտոնում նշանակվելու կապակցությամբ:
Մարզպետը շնորհակալություն հայտնեց շնորհավորանքի ու այցի առիթով:
Քննարկվեցին մարզի 3 քաղաքային և այն գյուղական համայնքների խմելու ջրի համակարգերի վերանորոգման ու արդիականացման խնդիրները, որոնք գործում են ՓԲԸ-ի ենթակայությամբ: Նշվեց, որ համակարգերի արդիականացման արդյունքում հնարավոր կլինի ապահովել որակյալ ջրի 24 ժամյա մատակարարում:
Հյուրերը ներկայացրին 2013 թվականին իրենց կողմից մարզում իրականացվելիք ծրագրերն ու անելիքները:
