Վայոց ձորի մարզպետի աշխատակազմ

2012 թվականի հունիսի 30-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի Արաբկիր վարչական շրջանում (Կասյան փողոցի վերին հատված) նախատեսվում է կազմակերպել գյուղատնտեսական մթերքների տոնավաճառ: Հայաստանի Հանրապետության մարզերի գյուղացիական տնտեսություններին հնարավորություն կընձեռվի անվճար մասնակցելու տոնավաճառին և Երևան քաղաքի սպառողներին ներկայացնելու բացառապես սեփական արտադրանքը, ինչը կնպաստի արտադրողների և սպառողների համար առավել շահավետ գյուղատնտեսական մթերքների գների ձևավորմանը: Տոնավաճառը բացառիկ կարևորություն ունի Երևան քաղաքում գյուղմթերքի մատակարարման համակարգի բարելավման գործում, և նախատեսվում է նման տոնավաճառներ կազմակերպել նաև քաղաքի մյուս շրջաններում:
Տոնավաճառին մասնակցելու ցանկություն ունեցողները, մասնակցության պայմանների և այլ տեղեկությունների համար կարող են դիմել Վայոց ձորի Գյուղ-աջակցության մարզային կենտրոն:
Հասցեն` Վայոց ձորի մարզ, ք. Եղեգնաձոր, Շահումյան 5:
Հեռախոս՝ (+374) 281.2.46.33, (+374)93.47.02.01

Մարզպետարանի աշխատակազմի ՏՀԿ բաժին