Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջոցառումներ նվիրված Երեխաների իրավունքների պաշտպանության միջազգային օրվան
01.06.2012
Ամպրոպ չկա, ամպ չկա, Ձմեռ չկա, ձյուն չկա:
Միշտ գարուն է ու գարուն, Մանուկների աշխարհում:
Հենց մշտավառ գարնանային տրամադրությամբ էլ հունիսի 1-ին` Երեխաների իրավունքների պաշտպանության միջազգային օրը, Եղեգնաձորի մարզային գրադարանում բացվեց <Ծաղիկներին` արև, երեխաներին` խաղաղություն> խորագրով ցուցահանդես, որտեղ ներկայացված էին քաղաքի դպրոցների շնորհալի երեխաների ձեռքի աշխատանքները: Ցուցահանդեսի բացման հանդիսավոր արարողության ժամանակ երեխաները հանդես եկան նաև իրենց ստեղծագործությունների ընթերցմամբ, արտասանեցին մանկական բանաստեղծություններ և կատարեցին մանկական երգեր:
Երեկոյան մանկապարտեզների սաների համար միջոցառում էր կազմակերպել մարզային մշակույթի տունը: Միջոցառումն սկսվեց քաղաքային ամֆիթատրոնում, երեխաների կավճանկարով: Այնուհետև ներկաներին իրենց կատարումներով ուրախացրին և մեծ հաճույք պատճառեցին մշակույթի տան մանկական գեղարվեստական խմբերի սաները: Միջոցառումն ավարտվեց դիսկոտեկով, որի ընթացքում երեխաներն ուրախ պարում էին ամֆիթատրոնի հրապարակում և օգտվում հարակից այգու մանկական կարուսելներից:
