Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի պատվիրակությունը` Բերձորում
21.05.2012
ԼՂՀ նախագահ Բակո Սահակյանի մասնակցությամբ մայիսի 18-ին կայացավ ԼՂՀ Քաշաթաղի շրջանի Բերձոր քաղաքի ազատագրման 20-րդ տարեդարձին նվիրված տոնական միջոցառումներ, որոնց մասնակցում էին նաև Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ վարչապետ Արա Հարությունյանը, ինչպես նաև հյուրեր Հայաստանի Հանրապետությունից և սփյուռքից:
ՀՀ Վայոց ձորի մարզի պատվիրակությունը ղեկավարում էր փոխմարզպետ Մելս Հարությունյանը:
Միջոցառումն սկսվեց արցախյան ազտամարտում զոհվածների հիշատակը հավերժացնող հուշահամալրում` պսակադրությամբ, որտեղ հնչեց Արցախի պետական հիմնը: Այնուհետև ԼՂՀ Նախագահը պարգևներ է հանձնել մի խումբ ազատամարտիկների: Բակո Սահակյանը մասնակցել է Բերձոր քաղաքի բնակելի նոր թաղամասի հիմնարկեքի արարողությանը:
Միջոցառուման ընթացքում հնչում էին ժողովրդական երգեր և ներկայացվում էին հայկական ազգային պարեր: Իսկ հրավառությունն ամբողջական դարձրեց հյուրերի և բերձորցիների տոնական տրամադրությունը:
