Վայոց ձորի մարզպետի աշխատակազմ

Այսօր Թանգարանների միջազգային օրն է, որի կապակցությամբ մեր հանրապետությունում կիրականացվի <Թանգարանային գիշեր> ակցիան: «Թանգարանային գիշեր» ակցիան Հայաստանի Հանրապետությունում մեկնարկում է 8-րդ անգամ: Այն առաջին անգամ կազմակերպել են ֆրանսիացիները: Ակցիայի շրջանակներում` մայիսի 19-ին, անվճար սկզբունքով այցելուների համար բաց կլինեն Երեւանի եւ մարզերի թանգարանները:
Այցելուների առջև իր դները կբացի նաև Եղեգնաձորի երկրագիտական թանգարանը: Թանգարանում կկազմակերպվի ժամանակավոր ցուցադրություն <Ժամանակների խաչմերուկում> թեմայով: Ցուցադրության բացումը տեղի կունենա մայիսի 19-ին, ժամը 18:00-ին: Մինչև ժամը 24-ը թանգարանի դռները բաց կլինեն այցելուների համար:
Այցելուները կծանոթանան նաև թանգարանում գործող մարզի գեղանկարիչների ստեղծագործությունների ցուցահանդեսին:
Դպրոցականների կատարմամբ /ջութակ, ֆլեյտա/ կհնչեն դասական երաժշտության գործեր: