Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կապույտ վառելիքը հասավ Աղավնաձոր
21.12.2011
Երեկ Վայոց ձորի մարզի Աղավնաձոր համայքի բնակիչները ցնծության մեջ էին: Կատարվել էր բնակիչների երազանքը` կապույտ վառելիքը մուտք էր գործել Աղավնաձոր: Այդ առիթով գյուղում կազմակերպվել էր հանդիսավոր արարողություն, որին մասնակցում էին ՀՀՎայոց ձորի մարզպետ Սերգեյ Բագրատյանը, ՀՀ ԱԺ պատգամավոր Սամվել Սարգսյանը: Գյուղամիջյան հրապարակում հյուրերին դհոլ-զուռնայով ընդունեցին: Միջոցառման բացման խոսքով հանդես եկավ համայնքի ղեկավար Աշոտ Գալստյանը: Նա ողջունեց հարգարժան հյուրերին ու շնորհակալնքի խոսքեր ուղղեց նրանց, ապա շնորհավորեց համագյուղացիներին: ԱԺ պատգամավոր Սամվել Սարգսյանը, ով Աղավնաձորի բնակիչ է, շնորհավորեց աղավնաձորցիներին ու բարեմաղթանքներ հղեց նրանց: Մարզպետ Սերգեյ Բագրատյանը շնորհավորանքի իր խոսքում աղվնաձորցիներին մաղթեց խաղաղությամբ ու բարի վայելում: Հանդիսության ժամանակ առաջին անգամ գազի վառման պատիվը վերապահված էր 82-ամյա Սոս Շահինյանին: Գազատարի բացման արարողությանը մասնակցում էր նաև Ռուսգազարտ ՓԲԸ -ի Վայոց ձորի ԳԳՄ ղեկավար Արմեն Մարգարյանը: Շուրջ 119 մլմ դրամ արժողությամբ գազատարի կառուցապատման աշխատանքներն իրականացրել է <ԳազԿոմՇին> ՍՊԸ-ն` IFAD-ի ֆինանսավորմամբ: Նշենք, որ նույն կազմակերպության ֆինանսավորմամբ Արփի գյուղի գազատարի կառուցապատման աշխատանքներն ընթացքի մեջ են: Մինչ այդ Վայոց ձորի մարզում գազաֆիկածված է եղել 13 համայնք:
