Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուշարձանի բացում` Եղեգնաձոր քաղաքում
24.10.2011
2011 թվականի հոկտեմբերի 21-ին Վայոց ձորի մարզի Եղեգնաձոր քաղաքում տեղի ունեցավ Արցախյան պատերազմում զոհված ազատամարտիկների հիշատակին կառուցված հուշարձանի բացման հանդիսավոր արարողությունը:
Հուշարձանի բացման պատիվը վերապահված էր Վայոց ձորի մարզ ուխտագնացության եկած ԵԿՄ նախագահ, Արցախի Հանրապետության հերոս, գեներալ Մանվել Գրիգորյանին:
Հյուրերին` ԵԿՄ նախագահ Մանվել Գրիգորյանին և ՀՀ ՎՊ նախագահ Իշխան Զաքարյանին ընդունեց ՀՀ Վայոց ձորի մարզպետ Սերգեյ Բագրատյանը, ում ողջույնի խոսքից հետո հնչեցին ՀՀ և ԵԿՄ հիմները: Այնուհետև Մանվել Գրիգորյանը և գնդապետ Մուշեղ Բաբայանը կտրեցին կարմիր ժապավենը:
ԵԿՄ նախագահը ողջունեց ներկաներին, նշեց ազատամարտում վայոցձորիցիների մասնակցության և հենց մարզում տեղի ունեցավ մարտերում նրանց ունեցած ներդրման ու զոհվածների նվիրումի մասին, վայոցձորցիներին համարելով` ակամա երկրապահներ, քանզի մարզը շուրջ 130 կմ երկարությամբ սահմանակից է Ադրբեջանի հանրապետությանը: Մանվել Գրիգորյանը, ՀՀ Նախագահի, ՀՀ պաշտպանության նախարարի և ԵԿՄ նախագահության կողմից խրախուսանքների արժանացած անձանց ու կազմակերպությունների ղեկավարներին հանձնեց շքանշաններ ու պատվոգրեր:
Հուշարձանի բացման առիթով սրտի խոսք ասացին` զոհված ազատամարտիկների հարազատները, մտավորականներ և աշակերտներ:
Միջոցառման ընթացքում հնչեցին հայրենասիրական երգեր:
