Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիսավոր նիստ` նվիրված ՀՀ անկախության հռչակման 20-րդ տարեդարձին
21.09.2011
Այսօր տոնական տեսք էր ստացել Վայոց ձորի մարզկենտրոն Եղեգնաձոր քաղաքը, որի մշակույթի կենտրոնում տեղի ունեցավ Հայաստանի Հանրապետության անկախության հռչակման 20-րդ տարեդարձին նվիրված հանդիսավոր նիստ: Վայոցձորցիների հյուրն էր ՀՀ փոխվարչապետ, տարածքային կառավարման նախարար Արմեն Գևորգյանը: Վայոց ձորի մարզպետ Սերգեյ Բագրատյանը բացելով հանդիսավոր նիստը, ողջույնի համար ձայնը տվեց ցանկալի հյուրին:
ՀՀ փոխվարչապետը ողջունեց հանդիսավոր նիստի մասնակիցներին, նշելով` մեր երկրի ձեռքբերումներն ու հաջողությունները, անելիքներն ու ապագա լուծվելիք խնդիրները:
Արմեն Գևորգյանը խոսեց նաև Վայոց ձորի մարզի զարգացման ուղղությունների ու հնարավորությունների մասին:
Ներկաներին ողջունեց նաև Վայոց ձորի մարզպետ Սերգեյ Բագրատյանը: Մարզպետն իր խոսքում ներկայացրեց ընթացիկ տարվա կատարած աշխատանքներն ու կատարվելիք ծրագրերը:
Այնուհետև ՀՀ փոխվարչապետը կառավարական պարգևներ հանձնեց անկախության տոնի առիթով պարգևատրված, մարզի կենսագործունեության տարբեր ոլորտներում աչքի ընկած, շուրջ 11 վայոցձորցիների:
