Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՀՀ ՎԱՅՈՑ ՁՈՐԻ ՄԱՐԶՊԵՏԸ` ԻՏԱԼԻԱՅՈՒՄ
31.08.2011
ՀՀ Վայոց ձորի մարզպետ Սերգեյ Բագրատյանն օգոստոսի 20-ից 30-ը գտնվել է Իտալիայում եւ մասնակցել է Վենետիկի Կա Սոսկարի համալսարանում կազմակերպված <Միջմշակութային փոխհաղորդակցության հիմնախնդիրները> վերտառությամբ գիտական կոնֆերանսին:
Տնտեսագիտական գիտությունների թեկնածու, պրոֆեսոր Սերգեյ Բագրատյանը կոնֆերանսին մասնակցել է <Միգրացիան և մշակութային նույնականացման հիմնախնդիրները> գիտական հոդվածով:
Իտալիայի Հանրապետությունում գտնվելու առիթից օգտվելով, մարզպետ Սերգեյ Բագրատյանը հանդիպել է նախորդ տարիներին Իտալիայի Տրեվիզոնի նահանգի փոխնահանգապետի գլխավորությամբ համագործակցության նպատակով ՀՀ Վայոց ձորի մարզ ժամանած գործարարների խմբին:
Օգոստոսի 29-ին Սերգեյ Բագրատյանը նախ հյուընկալվել է Կոնելիանոյի քաղաքապետարանում, ուր նրան ընդունել է քաղաքապետ Ալբերտո Մանիերոն: Այնուհետ Կոնելիանոյի քաղաքապետը և Վայոց ձորի մարզպետը հյուրընկալվել են Տրեվիզոնի նահանգապետարանում: Նրանց ընդունել է նահանգապետ Լեոնարդո Մուրարոն: Հանդիպումներում քննարկվել են փոխհամագործակցության հնարավորությունները եւ փոխայցելությունների ժամանակացույցը:
Նույն օրը երեկոյան Սերգեյ Բագրատյանը հանդիպել է տեղի գործարար շրջանակների հետ, որտեղ նա ներկայացրել է Վայոց ձորի մարզի ներդրումային ծրագրերը: Հանդիպման ժամանակ Կանադահայ գործարար Հրաչ Գասպարը ընտրվել է ծրագրերի ղեկավար:
Նշենք, որ Տրեվիզոն նահանգի բնակչության թիվը կազմում է շուրջ 900.000, իսկ մարզի ՀՆԱ-ն 27 մլրդ եվրո է:
Վայոց ձորի մարզպետ Սերգեյ Բագրատյանի հրավերով առաջիկայում մարզ կժամանեն Տրեվիզոնի նահանգի գործարարների մի խումբ, նահանգապետ Լեոնարդո Մուրարոյի գլխավորությամբ:
