Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ԿՐԹՈՒԹՅԱՆ ՀԱՄԱԿԱՐԳԻ ԱՇԽԱՏՈՂՆԵՐԻ ՕԳՈՍՏՈՍՅԱՆ ԽՈՐՀՐԴԱԿՑՈՒԹՅՈՒՆ
25.08.2011
ԿՐԹՈՒԹՅԱՆ ՀԱՄԱԿԱՐԳԻ ԱՇԽԱՏՈՂՆԵՐԻ ՕԳՈՍՏՈՍՅԱՆ ԽՈՐՀՐԴԱԿՑՈՒԹՅՈՒՆ
Օգոստոսի 25-ին մարզպետարանի նիստերի դահլիճում տեղի ունեցավ Վայոց ձորի մարզի կրթության համակարգի աշխատողների աշխատանքային խորհրդակցություն:
Խորհրդակցությունում նախորդ ուսումնական տարվա արդյունքների ամփոփման և նոր ուստարվա խնդիրների մասին զեկուցմամբ հանդես եկավ մարզպետարանի կրթության, մշակույթի և սպորտի վարչության պետ Արփիար Ղազարյանը: Խորհրդակցության մասնակիցներին նախօրոք բաժանվել էր քննարկվող հարցերի սեղմագիրը ծանոթանալու և քննարկմանը մասնակցելու համար:
<<Կրթության ոլորտում իրականացվող պետական քաղաքականության արդի միտումները>> թեմայով ծավալուն ելույթով հանդես եկավ ՀՀ Կրթության և գիտության նախարարի տեղակալ Մանուկ Մկրտչյանը, որը պատասխանեց նաև իրեն ուղղված հարցերին: Այնուհետև ծավալվեց մտքերի փոխանակություն:
Խորհրդակցության աշխատանքներն ամփոփեց Վայոց ձորի փոխմարզպետ Սամվել Թարվերդյանը:
Խորհրդակցության աշխատանքներին զուգահեռ դպրոցների ուսուցիչների համար Եղեգնաձորի ավագ դպրոցում անցկացվեցին առարկայական սեկցիոն պարապմունքներ, որոնք վարեցին Կրթության ազգային ինստիտուտի մասնագետները:
Կրթության համակարգի աշխատողների օգոստոսյան խորհրդակցությունում քննարկվող հարցերի սեղմագիր
- 12-րդ դասարանի 2-րդ կիսամյակի ուսումնական պլան
- Ավագ դպրոցների աշակերտական համակազմի համալրում
- Տնօրենների հավաստագրում, ընտրություն
- Ուսուցիչների վերապատրաստում, ատեստավորում
- Դասագրքերի բովանդակային քննարկումներ
- Աշակերտ թվով դպրոցների ֆինանսավորում
- Դպրոցների նյութատեխնիկական բազայի հարստացում
- Համացանցի նպատակային օգտագործում
- Առարկայական օլիմպիադաների ձևական մոտեցում
- ՈՒսուցչի թափուր տեղի մրցույթի անհստակություն
- Կրթության առանձնահատուկ պայմանների կարիք ունեցող երեխաների կրթության կազմակերպում
- Դաստիարակության նկատմամբ համալիր մոտեցում
- Աշակերտների շարժի վերաբերյալ գործող կարգի հստակեցում
- Էքստեռն քննությունները մարզերում անցկացնելու մասին
- ՈՒսուցիչների և աշակերտների բուժզննություն
- Շախմատի դասավանդման մասին
- Նախադպրոցական կրթություն, նախարթարանների ծրագիր
- Կառավարման խորհուրդների մասին
- Բարձրագույն կրթությամբ մի շարք առարկաների / երգ, կերպարվեստ, հոգեբանություն/ մասնագետների աշխատանքի տեղավորում
