Վայոց ձորի մարզպետի աշխատակազմ

Այսօր ՀՀ Վայոց ձորի մարզպետ Արագած Սղաղթելյանն այցելեց Արենի համայնքի Ռինդ բնակավայրի բնակիչ 92 ամյա Աղավիկ Վարդանյանին:
Բանն այն է, որ Աղավնիկ Վարդանյանը դիմել էր մարզի ղեկավարին և ընդունելություն խնդրել պարոն Սաղաթելյանից: Հաշվի առնելով Աղավնիկ տատիկի տարիքը և առողջական վիճակը, որոշում կայացվեց այցելել Ռինդ և ծանոթանալ Աղավնիկ տատիկին հուզող հարցերին և սոցիալական վիճակին:
Մարզպետին այցի ժամանակ ուղեկցում էին Արենի համայնքի ղեկավար Հուսիկ Սահակյանը և ՀՀ Վայոց ձորի մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Արամ Գրիգորյանը:
Հարկ է նշել, որ հանդիպումն անցավ սրտառուչ, անկաշկանդ և հուզիչ մթնոլորտում:
Աղավնիկ տատիկը պատմեց 1941 թվականին սկսված պատերազմի ժամանակ կրած իր զրկանքների, սովի, մտերիմների մահվան և տառապանքների մասին: Բայց միևնույն ժամանակ իր հուզմունք ու ուրախությունը չէր կարողանում թաքցնել ու անդադար շեշտում էր. <<Ջանդ սաղ լինի, պարոն մարզպետ: Շնորհակալ եմ, որ եկել ես>>:
Մարզպետ Ա. Սղաթելյանը հետաքրքրվերց. <<Աղավնիկ տատ, քանի թոռ ունես>>:
Աղավնիկ տատից իմացանք, որ 16 թոռ ու 37 ծոռ ունի: <<Դուք երջանիկ մարդ եք, որ շրջապատված եք այդքան թոռներով ու ծոռներով: Ի ՞նչ խնդիր ունեք, ինչո ՞վ կարող եք օգնել ձեզ>>,- հարցրեց մարզի ղեկավարը:
Աղավնիկ տատն ասաց, որ լսողությունից է դժգոհում: Ա. Սղաթելյանը խոստացավ աջակցել լսողական սարք տրամադրելու հարցում:
Աղավնիկ տատը նշեց, որ Արենի համայնքի ղեկավար Հուսիկ Սահակյանը շատ է օգնել և շարունակում է աջակցել համայնքի սոցիակական բարդ խնդիրներ ունեցող ընտանիքներին:
<<Պարոն մարզպետ, ես գոհ ու շնորհակալ եմ ձեզանից և ձեր ուշադրությունից, որ հագել եք տարիքս և եկել եք ինձ տեսնելու: Թող բոլորն իմանան, թե ինչ բարի ու խելացի մարդ եք դուք>>,- տանից դուրս գալիս ասաց հուզված Աղավնիկ տատիկը:
Ռինդ կատարած այցելության շրջանակներում մարզի ղեկավարը եղավ նաև Ռինդ բնակավայրում հիմնանորոգվող մանկապարտեզի շին.հրապարակում, ինչպես նաև դեղձի և խաղողի այգիներում, ծանոթացավ ընթացող և սպասվելիք բերքահավաքի աշխատանքներին: